Reala
Iragarpena
Xabi Prieto Realeko ordezkari instituzionala izango da
EITB MEDIA
Klubak azaldu duenez, taldeko Fundaziotik abiatutako gizarte arloko ekimenetan eta jardueretan ere hartuko du parte talde txuri-urdineko kapitain ohiak.
-
Xabi Prieto Realeko ordezkari instituzionala izango da. Argazkia: Reala
Xabi Prieto Realeko kapitain ohia klubeko ordezkari instituzionala izango dela iragarri du klubak ostegun honetan. Bere eginkizuna klubeko arlo guztiei laguntza ematea izango da, negozio-arloan, unitate desberdinen estrategiak babestuko baititu; hala nola, nazioartekotzea edo klubaren babesleekiko harremana.
Era berean, Fundazioaren gizarte-eremutik egiten ari diren ekimen eta jardueretan hartuko du parte, baita klubaren ordezkaritza instituzionalean ere, beste kirol-erakunde edo erakunde batzuekin harremanetan. Funtzionalki, Presidentziaren arloan egongo da.
¿ KOMUNIKATU OFIZIALA | Xabi Prieto Realera itzuli da ¿#WeareRealhttps://t.co/3rntwgXP5K
— Real Sociedad Fútbol (@RealSociedadEUS) March 7, 2024
Xabi Prieto Realeko jokalari garrantzitsuenetariko bat da. Historian zehar elastiko txuri urdinarekin 500 partida ofizial baino gehiago jokatu dituen bost jokalarietako bat: 532. 2003-04 denboraldian egin zuen debuta; 2017-18an, berriz, futbola utzi zuen.
