Osasun Publikoko agintariak alerta honekin lotutako kasuak egiaztatzen ari dira. Diotenez, mota horretako sustantzia bat kontsumitzeak arrisku larria ekar dakioke osasunari.
Gainera, Eroskik zorra 909 milioitik 671ra jaitsi du. Bestalde, Eroskik sare komertziala handitzen jarraitu zuen 2023an, 74 supermerkatu berri eta gasolina-zerbitzugune bat zabalduta.
UNRWAk dio, orain arte ikusi gabeko sarraskia gertatuko dela Rafahn Israelek ofentsiba gauzatzen badu. Raquel Marti, errefuxiatu palestinarrentzako agentziako kideak, Rafahn 600.000 haur bizi direla ohartarazi digu.
Langabezia subsidioaren inguruan akordioa erdietsi dute Espainiako Gobernuko Lan Ministerioak eta UGT eta CCOO sindikatuek, CEOE eta Cepyme patronalen babesik gabe.
Lloyd J. Austin Ameriketako Estatu Batuetako Defentsa idazkariak baieztatu du bere herrialdeak Israelentzako bonben bidalketa bat geldiarazi duela, Rafahn ez erabiltzeko.
AISGE Fundazioaren azken txosten soziolaboralak utzi duen beste datuetako bat da sektoreko artisten artean langabezia tasa altuagoa dela gizonena (% 38), emakumeena baino (% 19).
Espainiako Atzerri eta Ekonomia ministerioak harrituta agertu dira dagoeneko Pablo Bustinduyk zuzendutako Ministerioak bultzatutako ekimenarekin, eta ez dute babestu.
Beren bizi-hautuen nondik norakoak aletu dituzte aita-seme senpertarrek, eta pare bat primizia ere kontatu dituzte zuzenekoan: baga, Aho Zakil Konekxionek kanta berria kaleratuko du aurki, Amaiur 2029; eta biga, Arnaudek berezkoen mailan jokatuko du larrazkenetik goiti.
Gasteizen, duela urtebete zabaldu behar zuen Gasteiz Antzokiak itxita jarraitzen du, bere bultzatzaileak, Udala eta Lazarraga elkartea blokeo egoeran baitaude 112.000 eurorengatik. Euskararen gune izan behar duen antzokiaren irekiera eskatzeko plataforma bat aurkeztu dute.
Hauteskunde Batzordeak hamabi hauteskunde-koalizio onartu ditu. Horien artean, EAJrena (Coalicion Canariarekin batera), EH Bildurena (Orain Errepublikak, ERC eta BNGrekin batera) eta Sumarrena daude.
Borrellek martxoan planteatu zuen Errusiako ondasun ibilgetuek sortutako 3.000 milioi euro inguru horretarako erabiltzea. Xedea dirua uztailetik aurrera bideratzen hastea litzateke.
Tenperatura altuen errekorrak hautsi dira eta apiril batean lehenengo aldiz erregistratu ziren gau tropikalak kostaldean. Hilabetean zehar erregistratutako prezipitazioen arabera, hilabetea Arabako Lautadan eta Arabako Errioxan izandako lehorrenetakoa izan da.
Rafaheko operazioa aurrera doan bitartean, balizko su-eten bat lortzeko lehen kontaktuak hasi dira Egiptoko Kairo hirian. Israelen ordezkaritza bat bertan da eta bitartekariekin ari dira hitz egiten.
Bizkaiko patronalak aitortu du aurrerapausoak eman direla biktimen aitortzan, baina ez dela nahikoa esan du, eta "ez dela berandu kolektibo garrantzitsu horrekin justizia egiteko".
Carolina Perez Toledo CEBEKeko presidenteak "ETAren mehatxuagatik joan ziren pertsonak, familiak eta enpresak aitortzeko eta erakartzeko plan bat" bultzatzeko eskatu dio Eusko Jaurlaritzari. "Oraindik ez da berandu ahaztutako kolektibo garrantzitsu honekin justizia egiteko", adierazi du.
Gipuzkoako autoeskolek gidabaimen-azterketen transferentzia eskatzeko eskatu diote Eusko Jaurlaritzari, eta lurraldea "abandonatuta" dagoela salatu dute, aztertzailerik ez dagoelako. Une honetan 5.000 pertsona daude probak egiteko zain.
60 urte baino gehiago dira meza nagusian eta jai egunetan organista ari dela. Azken 54 urtean Donostian bizi da eta oraintsu arte jardun du auto-gidari. Parrokiko diru kontuak, errenta aitorpena, denak egiten ditu berak. Ez zen alferrik bankuko zuzendari izan. Organistarekin meza nagusira joan gara.
Espainiako Trafiko Zuzendaritzak motorzaleen hildakoen zifrak murrizteko ezarriko dituen neurrien inguruan kezka azalduta gerturatu dira Faktoriara, Juan Soroa eta Josu Leturia motor-gidariak, Martin Askarai Azkain Motoak denda eta tailerreko arduraduna, eta Uxoa Aizpurua autoeskolako irakaslea.
Malatesta pizza eta garagardo kooperatibaz eta bertan duten eskaintzaz aritu zaigu Aritz Aranguren Iruñeko Txantrea auzotik. Pizza eta garagardo ekologikoak eskaintzen dituzte. Saltxitxa fresko eta Scarmorza pizza nola egiten duten erakutsi digu Lorentzo Nobilik.
Murrizflazioak indarra hartu du: supermerkatuetan, asko dira prezioari eutsi baina kantitatea murriztu duten produktuak. Ostalaritzan, pintxoak edota edalontziak txikiagoak dira orain. Eta badira osagai merkeagoak erabiltzen hasi diren produktuak, prezio berean.
Myriam harategi-urdaitegian saltzen dituzten butifarrez aritu zaigu Myriam Murua Donostiako Bretxa merkatutik. Dioenez, bi motatan sailkatu daitezke: freskoak eta egosiak. Horien artean hainbat zapore ezberdinetakoak dituzte salgai, eta hainbat erara kozinatu daitezke.
Plaza berrien erdia baino gehiago Goi mailako zikloetan eskainiko dira, eta Informatika eta Fabrikazio mekanikoa dira gehien haziko diren lanbide arloak. Aurrerantzean malguagoa izango da formakuntza, eta titulazio baten modulu batzuk gaindituta ere ziurtagiri ofiziala lortu ahal izango da.
Azkenean elkarrizketa sozialeko mahaitik atera den langabeziagatiko sorospenaren erreformak zenbait berrikuntza dakartza urtarrilean Kongresuak bertan behera utzi zuenarekin alderatuta, besteak beste, langabeziagatiko laguntzak lanpostu batekin bateragarri egiteko arau berriak.
Ertzaintzak ia amaitu du 75 urteko emakumearen heriotza argitzeko ikerketa, tiroaren egilea identifikatu du, eta, itxura guztien arabera, "ustekabeko" istripua izan zen. Aitzitik, aipaturiko ehiztaria baimendutako eremutik kanpo zegoen.
Paristik zetorren Boeing 767 hegazkinak Istanbulgo aireportuko kontrol-dorreari jakinarazi dio bere lurreratze-trena ez zela irekitzen, eta dorretik gidatuta lur hartu du. Zorionez, ez da inor zauritu.
Espainiako Auzitegi Goreneko administrazioarekiko auzien laugarren aretoa osatzen duten bost magistratuek ebatzi behar dute, hain zuzen ere, fiskal nagusiaren izendapenaren aurka APIF elkarteak aurkeztutako helegitea.
Komunikazio Komertzialaren Autokontrolerako Erakunde espainiarrak ontzat eman du Repsolek jarritako erreklamazioa. Iberdrolak, bere aldetik, "objektibotasun eza" salatu du, eta iragarri du aerotermia sustatzeko beste kanpaina bat jarriko duela abian.
Mahaia maiatzaren 14an osatuko da, XIII. legegintzaldiko Legebiltzarra eratzen denean. EH Bilduren ustez, 27 legebiltzarkiderekin (EAJren berdinak) duen ordezkaritza kontuan hartuta, Mahaian bi kide izateko eskubidea du.
Azken seihilekoan galerak % 34 murriztea lortu badu ere, konpainiak plantilla doituko duela jakinarazi du, baina "gehiena lekualdatzeen bitartez xurgatzea" espero du. Vinod Philipek hartuko du Jochen Eickholt egungo kontseilari delegatuaren kargua, abuztuaren 1etik aurrera.
BBVAren presidenteak gutuna igorri zion Kataluniako banketxeko homologoari eskainitako akzio trukea (titulu bat, 4,83ren truke) handitu ezin zuela jakinarazteko. "Merkatuak ere argi utzi du ez dagoela gehiago igotzeko aukerarik", argudiatu zuen.
AEBko Gobernua behin baino gehiagotan agertu da Rafahren inbasioaren aurka, baina Israel babesten jarraitzen du. Ameriketako Estatu Batuak dira Israelgo Armadaren hornitzaile nagusia, eta 2019tik 2023ra bitartean arma inportazioen % 69 eman zituen.
Josu Erkorekak Eusko Jaurlaritzako Segurtasun sailburu gisa azken asteak bizi ditu. "Nire ibilbide politiko osoan une zailak bizitzea egokitu zait", adierazi du sailburuak.
Arau berriarekin, besteak beste, bateragarriak izango dira denbora jakin batean enplegua izatea eta langabezia subsidioa edota langabeziagatiko prestazio kontributiboa jasotzea. Patronalek ez dute babestu akordioa.
2023ko delituen memoriaren inguruan galdetuta, kriminalitatearen areagotzea ziberdelituen hazkundeak eragin duela azaldu du. Bestalde, lokatza euskal politikan ere badagoela azpimarratu du, eta horien atzean ez daudela ez eskuina eta ezta eskuin muturra ere.