Gazako Zerrenda

UNRWAk dio, orain arte ikusi gabeko sarraskia gertatuko dela Rafahn Israelek ofentsiba gauzatzen badu. Raquel Marti, errefuxiatu palestinarrentzako agentziako kideak, Rafahn 600.000 haur bizi direla ohartarazi digu.

Lloyd J. Austin Ameriketako Estatu Batuetako Defentsa idazkariak baieztatu du bere herrialdeak Israelentzako bonben bidalketa bat geldiarazi duela, Rafahn ez erabiltzeko.

Rafaheko operazioa aurrera doan bitartean, balizko su-eten bat lortzeko lehen kontaktuak hasi dira Egiptoko Kairo hirian. Israelen ordezkaritza bat bertan da eta bitartekariekin ari dira hitz egiten.

Palestinari adierazteko Berlingo ikasleen  kanpaldiak gutxi iraun du, ekimena abiatu eta egun erdira desegin baitute poliziek. Hainbat gazte atxilotu dituzte, eta protesta "antisemitatzat" jo du Gobernuak.

Israelen erasoaldiaren ondorioz, Rafah inguruko palestinarrek, aurreko hilabeteetan Gazako Zerrendako beste lekuetatik ihes egin ostean, beste ihesaldi bati ekin behar izan diote.

Israelek bere bandera jarri du Rafah Egiptorekin lotzen duen pasabidean, eta itxi egin du, bai pertsonentzat, baita laguntza humanitarioarentzat ere. Egoera muturrekoa da Gazako Zerrendan eta, laguntza sartu ezean, 24 orduan erregairik gabe geldituko dira.

Milaka ikaslek bat egin dute Students for Palestine mugimenduarekin munduan, eta dagoeneko asko dira Europako unibertsitateetako campusetan kanpatuta daudenak.

Hego Euskal Herriko unibertsitateetako ikasle mugimenduak gutxienez ostegunera arte luzatu ditu Palestinaren alde eta Israelgo Estatuaren genocidioaren kontrako protestak.

Palestinatik jasotako azken berrien ondoren, EHUko canpusetako protestak gutxienez beste bi egun luzatzea erabakia dute parte-hartzaileek. "Genozidioa orain ari da izaten eta orain egin behar zaio aurre" adierazi du Iker Berezibar Ikasle Abertzaleakeko kideak.

Israelek iragarri duenez, Rafahko pasagunearen alde palestinarra kontrolpean hartu du gaur. Rafahko pasaguneak Gazako Zerrenda eta Egipto lotzen ditu, eta orain arte, Palestinako eremu horretan laguntza humanitarioa sartzeko ate bakarra zen.

Amsterdamgo Udalak, Poliziarekin eta Fiskaltzarekin batera, protesta kanpaldia hustu behar zela erabaki dute, "jabetza urratzen ari zirela" egotzita. Unibertsitateak behin baino gehiagotan eskatu die manifestariei joateko, baina ez dituzte dendak kendu nahi izan.

EITB Mediaren Ekialdeko Hurbileko korrespontsalaren ustez, azken orduetako operazioak "ez du zerikusirik Gaza iparraldean eta Jan Yunisen ikusitakoekin". "Ez dugu erresistentziarik ikusi Hamasen aldetik eta hau ere ez da batere ohikoa", gaineratu du.

Gutxienez 18 pertsona hil dira bart Rafahn, Israelen etengabe egindako erasoaldietan. Hamasek su-etena onartu eta gutxira abiatu da aireko eta lurreko oldarraldia. Dena dela, Israelek esan du balizko su-etena negoziatzen jarraituko duela.

Herri palestinarraren aldeko ikasle mugimendua etengabe hazten ari da, eta gaurtik aurrera Hego Euskal Herriko komunitate unibertsitarioaren babesa du ere. Izan ere, hainbat erakundek dei egin diete ikasleei #StudentForGaza mugimenduarekin bat egiteko.

Ikasle Abertzaleak taldeak deituta, kanpaldiak abiatu dituzte EHUn eta NUPen, Israelek abiatutako genozidioa salatzeko eta unibertsitateei Israelgo Estatuarekin duten loturak ete ditzaten eskatzeko.

Palestinako Ilargi Gorriak jakinarazi duenez, "milaka" gazatar Rafahtik ateratzen hasi dira, Israelgo Armadak "berehalako" erasoaldi bati aurre egiteko agindu eta ordu batzuetara. Gazako Gobernuak, bestalde, ziurtatu du ebakuazioaren erantzuna mugatua izaten ari dela.

Ikasle Abertzaleak, Ikama, Ernai eta LAB sindikatuek dei egin diote unibertsitate komunitateari mundu osoan zabaltzen ari den #StudentsForGaza ekimenarekin bat egiteko.

"Israelgo armada erakunde terroristen aurka indarrez jarduteko prest dago zu bizi zaren eremuan, orain arte egin duten bezala. Inguruan geratzen den edonork bere burua eta bere senideak arriskuan jartzen ditu ", dio bidalitako mezuak.

Hainbat hiritan egin dituzte protestak, eta jendetsuenean, Tel Aviven, hauteskundeen aurrerapena ere eskatu dute, Netanyahuren aurkako mezu gisa.

Palestinarren kontrako genozidioa salatzeko protestak puri purian dira AEBko unibertsitateetan; Vietnamgo gerrak 1968an eragin zituenak dakartzate gogora. Biak ala biak, hauteskunde urteak AEBn; Mikel Reparaz, EITBko nazioarteko arduradunak aztertu ditu bi une historikoak.

Palestinaren aldeko protestek eta kanpalekuaren desegiteak hankaz gora jarri dute Columbiako Unibertsitateko irakasle eta ikasleen egunerokotasuna. Rafael Yuste irakasleak eta Leire Santos master bateko ikasleak bertatik bertara kontatu digute.

Palestinako herriaren aldeko eta unibertsitate batzuen eta Israelen arteko akordioen aurkako ikasleen protestak eta kanpamenduak mundu osora hedatzen ari dira. 2.000 pertsona baino gehiago atxilotu dituzte jada.

Antonio Guterres NBEko idazkari nagusiak gogorarazi du behin eta berriz eskatu duela su-etena, bahitu guztiak askatzea eta laguntza humanitarioa "modu masiboan" areagotzea, eta deitoratu du oraindik ez dela halakorik gertatu.